استلام حديد التسليح في الموقع

استلام حديد التسليح في الموقع

طبعا مفيش موقع الا وفيه حديد 

 طب ازاي استلمه ؟
 اول حاجه تتاكد من اقطار الحديد الموجود ان هي المطلوبه

طب ازاي ؟
 مع الوقت هتعرف تميز اقطار الحديد بمجرد النظر
والحديد بيطلع من المصنع كل قطر ليه لون محدد
( فاي 10 لونه اخضر , فاي 12 لونه احمر , فاي 16 لونه ازرق , ....... )

كده اتاكدت ان الاقطار مظبوطه اتاكد ازاي ان الكميه المطلوبه مظبوطه ؟
 انت بتستلم الحديد بالوزن ولو متاح ميزان ( بسكول ) توزن شحنات الحديد يبقي افضل طريقه للاستلام

بس مش كل المواقع بيقي فيها الرفاهيه دي  استلمه ازاي بقي ؟
 الحديد بيطلع من المصنع في لفات كل لفه المفروض 2 طن 
انت بقي تعد عدد الفات وتشوف كام طن وصلك

طب لو انا عايز اتاكد ان الفات دي وزنها مظبوط اصلا ؟ 
سهله 
انت تعد عدد الاسياخ الموجوده في اللفه 
وتقارنها بعدد الاسياخ ال المفروض تبقي في اللفه

ازاي احسب عدد الاسياخ في اللفه ؟
) معادله بسيطه تحفظها ( وممكن تثبتها ) هي ( القطر تربيع ب مم / 162
من المعادله هتجيب وزن المتر الطولي 
بعد كده اضربه في 12 كده جبت وزن السيخ الواحد 
اقسم 2000 ( 2طن وزن اللفه ) علي وزن السيخ الواحد هتجيب عدد الاسياخ في اللفه

وبكده تعرف تستلم الحديد بكل سهوله 

8:38 ص شارك: